الأجراءات

- صلى صلاة استخارة

1- شهادة بيانات العربية اللي هتشتريها متكونش مر عليها 15 يوم -- مهم قوي -- علشان ما تتدبسش في المخالفات

ماتنساش تسال علي شهاده المخالفات والبيانات

2- عقد بيع ابتدائي و دفع عربون و ميكونش مبلغ عالي من تمن السيارة

3- التوجة في الحال لنقل الملكية في الشهر العقاري اللي بجوار السوق --- علشان ربنا يستر و تنقل باسمك ان شاء الله - يوجد مكتب شهر عقاري بالسوق يعمل يوم الجمعه وهو متخصص في انهاء الاورق وده اضمن احسن تسيب عربون او اي حاجه من الحاجات دي

4- لو العربية فيها اكتر من توكيل --- ياريت متشتريش

5- بعد كدة طبعا التوجة للمرور التابعلة سيادتكم لترخيص السيارة و استخراج رخصة سيارة باسمك

- لا تدفع عمولة المكتب الا بعد تخليص العربية تماما واطمئنانك لها تماما من جميع النواحى( حيث انك لو اردت ترجعها هينصبوا عليك فى عمولتك وعمولة البائع كمان او الشارى حسب وضعك فى العملية )

- حتى لو اطمئنيت للعربية وكله تمام بالنسبة ليك متكتبش شرط جزائي فى العقد الابتدائي ولو اضطريت لهذا مثلا اكتب شرط 500 ج فقط او 250 ج افضل على حسب مقدرتك فى الاشتراط على البائع سواء اهالى او تجار